O proxecto CETROS (Célula Transportable para a Robotización de Soldadura) parte da idea de que para acadar a robotización da soldadura de grandes pezas é a cela a que debe desprazarse á peza e non ao revés. Tamén ten en conta que os programas de robot aplicaranse a soldaduras únicas, e polo tanto debe economizarse na súa realización e interactuar facilmente co operario.
O proxecto foi desenvolto por CIS-Galicia, o Centro Tecnolóxico Aimen e a enxeñaría Neodyn, contando co apoio da Dirección Xeral de I+D a través do programa INCITE da Xunta de Galicia.
Do 15 ó 19 de novembro terán lugar as IV Xornadas sobre Tecnoloxías e solucións para a Automatización Industrial. O día 17 de Novembro, ás 11:00 terá lugar a presentación do CIS-Galicia co tema «Control de Calidad de Soldadura de Puntos por Resistencia», que resume os resultados do proxecto levado a cabo en colaboración co AIMEN.
O día 5 de Marzo de 2009 tivo lugar a auditoría de seguemento da certificación UNE 166002:2006 sobre o Sistema de Xestión da I+D+i que ten esta Unidade dende principio do 2008, respaldada por AENOR.
Hai algunha novedade, como o Alcance, que agora debe ser máis específico e que se centra nos proxectos desenvoltos e auditados, que quedou definido como «O Desenvolvemento e a Innovación en Sistemas Automatizados de Control de Calidade e de Producción Aplicados á Soldadura»… unha definición que se aproxima moito á nosa actividade.
Unha das ferramentas desenvoltas no proxecto CETROS foi un simulador da cela robotizada. O obxectivo da simulación foi comprobar se diferentes configuracións na colocación do robot podían soldar a peza prototipo que se utilizou no proxecto.
O seguinte video foi realizado utilizando a simulación na posición do robot «colgado», ainda que non foi a que finalmente se implementou no prototipo por supoñer maiores complicacións no soporte e na sua mobilidade:
O proxecto CIPSOA é un proxecto de cooperación entre CIS-Galicia e AIMEN, que se desenvolveu entre os anos 2004 e 2006 e está orientado á inspección de soldaduras ao arco, tanto mediante o rexistro e control automático de parámetros en tempo de soldadura como cun sistema de inspección visual automatizado.
Os procesos de soldeo ao arco están presentes de forma xeneralizada en diversos sectores industriais de Galicia. Isto inclúe á industria da construción naval e á industria da automoción, que teñen un gran peso na economía industrial galega.
Os procesos de soldeo ao arco que se empregan actualmente na industria da construción naval galega son:
Soldeo semiautomático FCAW.
Soldeo mecanizado MAG/FCAW, utilizando pórticos e tractores portátiles (utilizados para soldar baixo man e en posición)
Soldeo con arco mergullado mecanizado, utilizando pórticos e tractores portátiles.
Expoñiase a necesidade de controlar o desgaste dun perfil dun material férrico ao longo de varios centos de metros nunha liña de montaxe circular. O devandito perfil utilízase para o transporte de vehículos, mediante uns carros que soportan unha carga total entre unha e dúas toneladas.
A necesidade está motivada pola comprobación realizada en planta do rápido desgaste sufrido, co consecuente gasto de reparación e paradas.
Os desgastes prodúcense en puntos críticos, como curvas e ramplas de subida ou baixada, e tamén resulta interesante controlar o desgaste xeral da instalación.
O método que se utiliza actualmente é a medición periódica (meses) nalgúns puntos marcados a tal fin na aerovía. A medición realízase mediante ultrasonidos nunha parada programada da instalación. Os inconvenientes do método actual son o espaciado no tempo dos controis, que os controis realízanse en só algúns puntos da vía e o alto custo de cada operación. Proxecto de Medición de Desgaste de Aerovía »
IBCinema é unha empresa creada en 1998 para A exhibición e distribución cinematográfica que dende o ano 2001 tamén se dedica á produción audiovisual. O contacto xurdiu en 2005 por mor dos problemas detectados na produción de películas de stop-motion.
A realización dunha filmación stop-motion consiste na toma de fotografías dun escenario estático en miniatura no que se incorporan figuras modeladas con métodos artesanais que se modifican entre fotografía e fotografía para conformar finalmente a secuencia animada. Proxecto IBCinema »
O proxecto CETROS (Célula Transportable para a Robotización de Soldadura) parte da idea de que para acadar a robotización da soldadura de grandes pezas é a cela a que debe desprazarse á peza e non ao revés. Tamén ten en conta que os programas de robot aplicaranse a soldaduras únicas, e polo tanto debe economizarse na súa realización e interactuar facilmente co operario.
